說文解字

多年來都買過好幾隻ECM的唱片，但信昌還是頭一次去．休週日加office hour的營業時間都真頗難配合．碟好貴，但還是有「十年計劃」去買齊Keith Jarrett，起碼盡量買齊早期的作品．（信昌無的話就上網買二手）

當年教書，見到有學生穿了用Keith Jarrett唱片做封面的Tee，正高興發現校內有道中人，還fans到T-shirt都買埋，一問之下才發覺他完全不知什麼是Keith Jarrett和ECM．原來只是uniquo推了一大堆ECM用樂師名做唱片封面的Tee．之後發覺ECM的Tee可能係uniquo最好賣的系列，至今已經係街見過最少十個人穿，穿其他系列的人卻只認出過一兩次．想，香港人都係buy呢D簡簡單單一堆字係上面的衫，五顏六色始終唔係人人會買．

記得當年有位來香港的歐洲人，見到香港好多人穿"Free Marijuana!"之類的Tee，問究竟香港人真係好支持大麻合法，還是他們大多數根本唔知自己著緊咩．又，記得當年有位男歌手上電視節目，穿了件"masturbation is not a crime"，之後記者問佢，就解釋話自己唔知Tee上面D英文講咩．啤！喂大佬「自慰不是罪」中一性教育課都有教啦，你真係唔會英文定驚緊D咩？

除中文同英文外，自己都有一件寫法文同一件寫阿拉伯文的Tee．雖然唔識，但都堅持一定要問清楚／查清楚上面D字點解先穿上身．喂大佬，做人都要有些少原則，無理由走係街穿件可能同自己有仇的衫去宣傳！

又，最後都買了果件Keith Jarrett的Tee，但從未穿過出街，其中「一街都係」的心理因素都好明顯，也好矛盾．希望其他買了又唔知係咩既人，十個人中總有一個會好奇上網查找誰是Keith Jarrett，十個中又有一個會去買番去聽，十個中又又有一個會喜歡上．那uniquo都總算是功德無量了．

Picture source: d/l from internet